Kryetari i Këshillit Kombëtar të Shqiptarëve në Luginën e Preshevës, Nevzad Lutfiu, thotë se Serbia nuk po i respekton marrëveshjet e nënshkruara, nuk po i respekton ligjet e veta. Kjo, sipas tij, po ndodh edhe në sistemin e drejtësisë.

Lutfiu, përmes një posatimi në Facebook, thotë se sipas informacioneve që kanë në Gjykatën e Bujanoc do të sistemohet një gjykatëse nga Surdulica, e cila për ta ushtruar profesionin e saj i duhet t’i bëj 105 km në ditë, ndërsa kuadrot vendas janë refuzuar.

“Në Gjykatën për Kundërvajtje në Preshevë do të sistemohet një gjykatëse nga Vranja e cila për ta ushtruar profesionin e saj i duhet t’i bëj 96 km në ditë, ndërsa kuadrot nga Presheva u refuzuan”, shkruan Lutfiu në Facebook.

Ai, kërkon që në këtë aksione ta mbështesin dhe qytetarët serbë, sepse në qytetet e tyre po vijnë kuadro nga qytete të tjera, ndërsa kuadrot vendase po refuzohen.

“Serbia nuk po i respekton marrëveshjet e nënshkruara, nuk po i respekton ligjet e veta dhe nuk po i zbaton detyrimet që ka marrë nga kapitulli 23 për integrim në Bashkimin Evropian”, shkruan ai./rtk